Zer lotura du nire aseguruak Animalien Ongizateari buruzko Lege berriarekin?
Animalien Ongizateari buruzko Lege berriaren helburua da animaliak babestea, haien zaintza eta edukitzea arautzea, eta haien ongizatearekin lotutako araudiak betetzen ez dituztenei zigorrak jartzea. Occident zuri zalantzak argitzen saiatuko da lege honek dituen ondorioei buruz.
Galderarik ohikoenak
Animalien Ongizateari buruzko Legea 2023ko irailaren 29an sartu da indarrean, baina txakurrentzako erantzukizun zibileko aseguru bat kontratatu eta indarrean mantentzeko betebeharra benetan aplikagarria izango da lege hori erregelamendu bidez garatzen denean.
Hala ere, kontuan hartu behar ditugu Madrilgo Erkidegoan edo Euskal Autonomia Erkidegoan txakurrentzako erantzukizun zibileko aseguru bat izateko beharra ezartzen duten araudi autonomikoak eta tokikoak, arraza-bereizketarik gabe.
Bestalde, erabilera bereziko txakurren kasuan, legeak dagoeneko eskatzen zuen erantzukizun zibileko aseguru bat kontratatu eta indarrean izatea, 120.000 €-ko gutxieneko estaldurarekin.
Occident-en Maskotak aseguruak eta Etxea aseguruak barne dute txakurrak edukitzeagatik eskatzen den erantzukizun zibileko estaldura.
Erantzukizun zibilaren estaldura badela egiaztatzeko ziurtagiria lortzeko, zeure bitartekariarekin jarri behar duzu harremanetan.
Animalien Ongizateari buruzko Legeak zehazten du zer animalia mota har daitezkeen konpainiatzat.
Hauek dira onartutako animaliak: txakurrak, katuak, hudoak, zerrenda positiboan dauden espezie basatiak, basokoak ez diren ekoizpen-animaliak eta falkoneriako hegaztiak eta babestutako espezie basatien katalogoan eta espezie exotiko inbaditzaileen katalogoan sartuta ez dauden akuariofiliako animaliak.
Hala ere, konpainiako animalien zerrenda positiboa, konpainiako animalia gisa eduki daitezkeen basa-espezieak ere jasoko dituena, geroago argitaratuko da.
Txakur bat etxeko animalia gisara edukitzeko, txakurrak izateko derrigorrezko prestakuntza-ikastaro bat egin dela egiaztatu beharko da. Ikastaro horrek mugagabeki balioko du eta doakoa izango da.
Halaber, lege berriak erantzukizun zibileko aseguru bat kontratatzea eskatzen du, animaliaren bizitzaldian hirugarrenei egin daitezkeen kalteengatik.
Animalien Ongizatearen Legeak debekatu egiten du konpainiako edozein animalia hiru egunez jarraian bakarrik uztea.
Txakurren kasuan, aldi hori ezingo da izan ondoz ondoko 24 ordutik gorakoa.
Gainera, debekatuta dago txakurrak eta katuak ohituraz terrazetan, balkoietan, zabaltzetan, trastelekuetan, sotoetan, patioetan eta antzekoetan edo ibilgailuetan edukitzea.
Gaur egun, Animalien Ongizatearen Legeak ezartzen du nahitaezkoa dela mikrotxiparen bidez txakurrak, katuak eta hudoak identifikatzea. Bestalde, hegaztiak eraztun bidez identifikatu behar dira, jaiotzen direnetik.
Gaitutako albaitari batek identifikatu ondoren, bizi den autonomia erkidegoko Konpainiako Animalien Erregistroan inskribatu behar dira.
Animalien Ongizateari buruzko Legeak zehapen-araubide mailakatu bat ezartzen du. Zehapenak honela sailkatzen dira:
- Arau-hauste arinak: ohartarazpen-zehapena edo 500 eurotik 10.000 eurora bitarteko isuna dakarte.
- Arau-hauste larriak: 10.001 eurotik 50.000 eurora bitarteko zehapena dakarte.
- Arau-hauste oso larriak: 50.001 eurotik 200.000 eurora bitarteko zehapena dakarte.